മാനന്തവാടി:മാനന്തവാടി രൂപതയുടെ നേതൃത്വത്തില്‍ കോവിഡ്19 വ്യാപനത്തിന്റെ പശ്ചാത്തലില്‍ രൂപീകരിച്ച സമരിറ്റന്‍സ് സന്നദ്ധ സേനയ്ക്കുള്ള പരിശീലനം സംഘടിപ്പിച്ചു.മാനന്തവാടി രൂപതയുടെ 13 മേഖലകളില്‍ നിന്നായി 402 അംഗങ്ങളാണ് സമരിറ്റന്‍സ് മാനന്തവാടി സന്നദസേനയില്‍ അംഗങ്ങളായുള്ളത്. ദ്വാരക പാസ്റ്ററല്‍ സെന്ററില്‍ വെച്ച് സന്നദ്ധസേനയിലെ ആദ്യ ബാച്ചിനുള്ള പരിശീലനമാണ് സംഘടിപ്പിച്ചത്. കോവിഡ് വൈറസ്ബാധയാല്‍ മരണപ്പെടുന്ന വ്യക്തികളുടെ മരണാനന്തര ചടങ്ങുകളില്‍ ശ്രദ്ധിക്കേണ്ട കാര്യങ്ങള്‍ സംബന്ധിച്ച് മാനന്തവാടി ജില്ലാ ആശുപത്രിയിലെ അസി.പോലീസ് സര്‍ജന്‍ ഡോ.ബിബിന്‍,ഡോ.മഹേഷ് എന്നിവര്‍ ക്ലാസുകള്‍ നയിച്ചു.
