വെള്ളമുണ്ടഃ വയനാട് വെള്ളമുണ്ട സ്വദേശി മുഹമ്മദലിക്ക് ബര്‍ലിന്‍ സര്‍വ്വകലാശാലയുടെ ഉന്നത വിദ്യാഭ്യാസ ഗവേഷണത്തിനുള്ള ഫെല്ലോഷിപ്പ്. വെള്ളമുണ്ട പുത്തൂര്‍ ഉസ്മാന്‍-റംല ദമ്പതികളുടെ മകന്‍ ഇരുപത്തി ഏഴുകാരൻ മുഹമ്മദലിക്കാണ് ഈ അപൂര്‍വ്വ സൗഭാഗ്യം കൈവന്നിരിക്കുന്നത്. വയനാട്ടില്‍ നിന്ന് പ്രത്യേകിച്ച് വെള്ളമുണ്ടയിൽ നിന്നും ആദ്യമായാണ് ഒരാള്‍ ഈ നേട്ടം കൈവരിക്കുന്നത്. യാത്രാ രേഖകള്‍ ശരിയായാല്‍ ഉടന്‍ തന്നെ ജര്‍മനിയിലേക്ക് തിരിക്കും.
