വൈത്തിരിഃ വിവിധ ഓൺലൈൻ മത്സരങ്ങൾ പ്രാദേശിക ലൈബ്രറികളിൽ നിന്ന് സംഘടിപ്പിച്ചുകൊണ്ടുള്ള വൈത്തിരി താലൂക്ക് തല ഓണം ഓൺലൈൻ ഫെസ്റ്റിവൽ 2020, സമാപനസമ്മേളനം പ്രശസ്ത സിനിമാ താരം ഗായത്രി സുരേഷ് ഉദ്ഘാടനം ചെയ്തു.താലൂക്ക് പ്രസിഡന്റ്‌ സി. കെ. രവീന്ദ്രൻ ആദ്യക്ഷത വഹിച്ചു.ജില്ലാ സെക്രട്ടറി പി. കെ. സുധീർ മുഖ്യ പ്രഭാഷണം നടത്തി.താലൂക്ക് സെക്രട്ടറി സി. എം. സുമേഷ് വിവിധ ഓൺലൈൻ മത്സരവിജയികളെ പ്രഖ്യാപിച്ചു.പി. കെ. വിശാലാക്ഷി, എ. കെ. രാജേഷ്, എം. ദേവകുമാർ, പി. വി. നിതിൻ, പി. ഷാഹിന, ഒ. വി. സുധീർ തുടങ്ങിയവർ സംസാരിച്ചു.
