രക്തസാക്ഷികളെ ഗുണ്ടകളെന്ന് അധിക്ഷേപിക്കുകയും കൊലപാതകികളെ മഹത്വവല്‍ക്കരിക്കുകയും ചെയ്യുന്ന സമീപനമാണ് കോണ്‍ഗ്രസ് സ്വീകരിക്കുന്നതെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍.എന്ത് അക്രമവും നടത്തിക്കോളൂ ഞങ്ങള്‍ നോക്കിക്കോളാമെന്ന് അക്രമികള്‍ക്ക് പിന്‍തുണ നല്‍കുകയാണ് യുഡിഎഫ് എന്നും കോടിയേരി പറഞ്ഞു. വെഞ്ഞാറമ്മൂട് സംഭവം ഗുണ്ടാസംഘങ്ങള്‍ തമ്മിലുള്ള ഏറ്റുമുട്ടലാണെന്ന് പ്രചരിപ്പിക്കാനാണ് കോണ്‍ഗ്രസ് ശ്രമിക്കുന്നത്. അക്രമം നടത്തിയവരെ തള്ളിപ്പറയാന്‍ പോലും കോണ്‍ഗ്രസ് തയ്യാറായില്ല. ഇത് അത്യധികം അപലപനീയമാണ്.
