കല്‍പ്പറ്റ:കോഴിക്കോട് ജില്ലയിലേക്ക് നിരവില്‍പ്പുഴ-പക്രന്തളം വഴിയുള്ള റോഡ് തുറന്നുകൊടുത്തു. കോവിഡ് 19 പ്രതിരോധത്തിന്റെ ഭാഗമായി ഇതുവഴിയുള്ള അന്തര്‍ ജില്ലാ യാത്രകള്‍ക്ക് നിയന്ത്രണം ഏര്‍പ്പെടുത്തിയിരുന്നു.എന്നാല്‍ സാഹചര്യം മെച്ചപ്പെട്ടതിനെ തുടര്‍ന്ന് ഇതുവഴി കോഴിക്കോട് ജില്ലയിലേക്ക് നിരവില്‍പ്പുഴ വഴി എത്തുന്ന ചുരം ഇന്ന് മുതല്‍ കോഴിക്കോട് ജില്ലാ കളക്ടര്‍ ചുരം യാത്രക്ക് ഏര്‍പ്പെടുത്തിയ നിയന്ത്രണങ്ങള്‍ക്ക് വിധേയമായി പൊതുഗതാഗതത്തിന് തുറന്ന് നല്‍കിയാണ് വയനാട് ജില്ലാ കളക്ടര്‍ ഉത്തരവിറക്കിയിരിക്കുന്നത്.
