എം പി വിരേന്ദ്രകുമാർ എം പി അന്തരിച്ചതിനെ തുടർന്ന് ഒഴിവുവന്ന രാജ്യസഭ സീറ്റിൽ മകൻ എം.വി ശ്രേയാംസ് കുമാർ സ്ഥാനാർത്ഥിയാവും. എംൽ.ജെ.ഡി സംസ്ഥാന കമ്മറ്റിയോഗത്തിന് പിന്നാലെ വാർത്താസമ്മേളനത്തിലാണ് ഔദ്യോഗിക പ്രഖ്യാപനം നടത്തിയത്. എൽ.ജി.ഡി നിർവാഹക സമതിയോഗത്തിൽ ഐകകണ്ഠമയാണ് സ്ഥാനാർത്ഥിയെ തീരുമാനിച്ചത്. കഴിഞ്ഞ ദിവസം ചേർന്ന എൽ.ഡി.എഫ് യോഗത്തിൽ രാജ്യസഭാ സീറ്റ് എൽ.ജി.ഡിക്കാണെന്ന് വ്യക്തമാക്കിയിരുന്നു. ഓഗസ്റ്റ് 13ന് രാവിലെ 11.30ന് നാമനിർദ്ദേശ പത്രിക സമർപ്പിക്കും. ഓഗസ്റ്റ് പതിനെട്ടിനാണ് തെരഞ്ഞെടുപ്പ്. ലോക് താന്ത്രിക് ജനതാദൾ ദേശീയതലത്തിൽ നടത്തുന്ന സോഷ്യലിസ്റ്റ് പുനരേകീകരണ പ്രവർത്തനങ്ങൾക്ക് ശക്തിപകരാൻ ശ്രേയാംസ്‌കുമാറിന്റെ പുതിയ സ്ഥാന ലബ്‌ധി പ്രയോജനപ്പെ ടുമെന്ന് എൽ.ജെ.ഡി. വൃത്തങ്ങൾ അറിയിച്ചു.
