തിരുവനന്തപുരംഃ കോവിഡ് സ്ഥിരീകരിക്കുന്നവരിൽ ഒരുപാട് യാത്ര ചെയ്തവരുടെ സമ്പർക്കപ്പട്ടിക വിപുലമായിരിക്കും. അപ്പോൾ സൈബർ സഹായം ആവശ്യമായിവരും. ഇക്കാര്യത്തിലെല്ലാം സഹായിക്കാൻ പൊലീസിനു കഴിയും. പൊലീസിനെ കോവിഡ് പ്രതിരോധത്തിന്റെ ചുമതലയേൽപ്പിച്ച തീരുമാനം ചിലർ തെറ്റായി പ്രചരിപ്പിക്കുന്നുണ്ട്. അപൂർവം ചിലർക്ക് പ്രത്യേക മാനസികാവസ്ഥയുണ്ട്. രോഗവ്യാപനം ഉണ്ടാകണമെന്ന് ആഗ്രഹിക്കുന്നവരാണവർ. അത്തരക്കാർക്കേ സർക്കാരിന്റെ ഈ നിലപാടിനെ ആക്ഷേപിക്കാൻ കഴിയൂ എന്ന് മുഖ്യമന്ത്രി പിണറായി വിജയൻ പറഞ്ഞു.
