ഇന്ത്യൻ ഗ്രാൻഡ് മുഫ്തി കാന്തപുരം എ.പി.അബൂബക്കർ മുസ്‌ലിയാരുടെ ജീവചരിത്രം ‘ONE TIME ONE LIFE’ എന്ന പേരിൽ പുറത്തിറങ്ങാൻ പോകുന്നു. ശൈഖ് അബൂബക്കർ അഹ്മദ് അൽ ഹിന്ദി എന്ന് അന്താരാഷ്ട്ര മത-സാംസ്‌കാരിക വേദികളിൽ അറിയപ്പെടുന്ന കാന്തപുരത്തിന്റെ ജീവിതം സമഗ്രമായി അറിയാൻ ഇതിനകം ലോക സമൂഹം ആഗ്രഹിക്കുന്നുണ്ട്. കാന്തപുരത്തെ അടുത്തറിയാനുള്ള അന്താരാഷ്ട്ര അഭ്യുദയ കാംക്ഷികൾക്ക് വലിയ സന്തോഷം നൽകുന്ന നീക്കമാണ് കാന്തപുരത്തിന്റെ ഇംഗ്ലീഷ് ജീവ ചരിത്രം.
കമ്മ്യൂണിക്കേഷൻ വിദഗ്ധനും അമിറ്റി ഇന്റർനാഷണൽ യൂണിവേഴ്സിറ്റി പ്രഫസറുമായ ഡോ.എൻ.പി.അഹ്മദ് ജുനൈദ് ആണ് കണ്ടന്റ് എഡിറ്റർ.ഈ വർഷം അവസാനത്തോടെ വായനക്കാരിലേക്ക് പുസ്തകം എത്തും.വലിയ പ്രതീക്ഷയോടെയാണ് അന്താരാഷ്ട്ര സമൂഹം കാത്തിരിക്കുന്നത്.
