മലപ്പുറംഃ കോവിഡിനെതിരെ ജനങ്ങളില്‍ ”കോവിഡാശാന്‍” കാര്‍ട്ടൂണ്‍ കഥാപാത്രവുമായി കാര്‍ട്ടൂണ്‍ ബോധവത്ക്കരണം നടത്തുകയാണ് മലപ്പുറം കോണോംപാറ സ്വദേശിയായ ഫ്രീലാന്‍സ് കാര്‍ട്ടൂണിസ്റ്റ് നവാസ് കോണോംപാറ. ആളുകൾകിടയിലെ
മാസ്ക് ധരിക്കുന്നതിലെ പിഴവുകൾ ആക്ഷേപ ഹാസ്യത്തിലൂടെ അവതരിപ്പിച്ച
നവാസിന്റെ കാർട്ടൂണുകൾ സാമൂഹിക മാധ്യമങ്ങളിൽ ഇതിനകം തരംഗമാണ്.
സാമൂഹ്യ അകലം പ്രസംഗിക്കുന്നവർ അത് പാലിക്കാതെ സ്വയം അപഹാസ്യരാകുന്ന വരകളും ശ്രദ്ധേയമാണ്. ”കോവിഡാശാന്‍” വേറിട്ട വരകളിലൂടെ ബോധവത്കരണ പ്രവർത്തനങ്ങളിൽ പങ്കെടുക്കുന്നത് പ്രശംസനീയമാണ്. നവാസിന്റെ വ്യത്യസ്ഥമായ കോവിഡ് പ്രതിരോധ പ്രവർത്തനങ്ങളെ ഇതിനകം മാധ്യമങ്ങളും വിവിധ മേഖലയിലെ പ്രമുഖരും അഭിനന്ദിച്ചിരിക്കുകയാണ്.
