Month: April 2024

കല്‍പ്പറ്റ: ഹരിയാനയില്‍ നടന്ന ദേശീയ മൗണ്ടന്‍ സൈക്ലിംഗ് ചാമ്പ്യന്‍ഷിപ്പില്‍ വയനാടിന് നേട്ടം. ജൂണിയര്‍ മിക്‌സ്ഡ് റിലേയില്‍ ജില്ലയില്‍നിന്നുള്ള മുഹമ്മദ് നിഷാദ് പിണങ്ങോട്, മഹി സുധി കല്‍പ്പറ്റ എന്നിവരടങ്ങിയ നാലംഗ കേരള ടീം മൂന്നാം സ്ഥാനം നേടി. താരങ്ങളെ ജില്ലാ സൈക്ലിംഗ് അസോസിയേഷന്‍ അഭിനന്ദിച്ചു.

കല്‍പ്പറ്റ: ദേശീയ അന്വേഷണ ഏജന്‍സികളെ കേന്ദ്ര സര്‍ക്കാര്‍ പ്രതിപക്ഷ പാര്‍ട്ടികളെ ഉന്‍മൂലനം ചെയ്യുന്നതിനുള്ള ക്വട്ടേഷന്‍ സംഘങ്ങളാക്കിയെന്ന് എഎപി സംസ്ഥാന വൈസ് പ്രസിഡന്റ് അജി കൊളോണിയ. ദേശീയ സമിതി കണ്‍വീനറും ഡല്‍ഹി മുഖ്യമന്ത്രിയുമായ അരവിന്ദ് കേജരിവാളിന്റെ അറസ്റ്റില്‍ പ്രതിഷേധിച്ച് എഎപി രാജ്യവ്യാപകമായി നടത്തിയ പ്രക്ഷോഭത്തിന്റെ ഭാഗമായി ജില്ലാ കമ്മിറ്റി എച്ച്‌ഐഎം യുപി സ്‌കൂള്‍ പരിസരത്ത് സംഘടിപ്പിച്ച ഉപവാസം ഉദ്ഘാടനം ചെയ്യുകയായിരുന്നു അദ്ദേഹം. എഎപി മുന്നേറ്റം തടയാന്‍ ബിജെപി സര്‍ക്കാരിന് കഴിയില്ലെന്ന് അജി കൊളോണിയ പറഞ്ഞു. കെപിസിസി വര്‍ക്കിംഗ് പ്രസിഡന്റ് […]

കോളിയാടി: ടൗണില്‍ പഞ്ചായത്ത് ഓഫീസിനോടുചേര്‍ന്ന് ജനങ്ങള്‍ക്ക് സൗകര്യപ്രദമായ സ്ഥലത്ത് പ്രവര്‍ത്തിക്കുന്ന പബ്ലിക് ലൈബ്രറി മറ്റൊരു കെട്ടിടത്തിലേക്ക് മാറ്റി സ്ഥാപിക്കാനുള്ള നീക്കം നെന്‍മേനി പഞ്ചായത്ത് ഭരണ സമിതി അവസാനിപ്പിക്കണമെന്ന് ഡിഎഡബ്ല്യുഎഫ് പഞ്ചായത്ത് കണ്‍വന്‍ഷന്‍ ആവശ്യപ്പെട്ടു.വികലാംഗ പെന്‍ഷന്‍ 3,500 രൂപയാക്കണമെന്ന ആവശ്യവും ഉന്നയിച്ചു. ബത്തേരി ബ്ലോക്ക് പഞ്ചായത്തംഗവും താലൂക്ക് ലൈബ്രറി കൗണ്‍സില്‍ സെക്രട്ടറിയുമായ പി.കെ. സത്താര്‍ ഉദ്ഘാടനം ചെയ്തു. എം.വി. വര്‍ഗീസ് അധ്യക്ഷത വഹിച്ചു. വി.ബി. രാജു പ്രസംഗിച്ചു. കെ.പി. ജോര്‍ജ് സ്വാഗതവും ധനിഷ് മാതമംഗലം നന്ദിയും പറഞ്ഞു.

പുല്‍പ്പള്ളി: കബനിഗിരി നിര്‍മ്മല ഹൈസ്‌കൂളില്‍ പുതുതായി സജ്ജീകരിച്ച ആര്‍ട്ട് ഗ്യാലറി ഏപ്രില്‍ 10 ബുധനാഴ്ച രാവിലെ 10 മണിക്ക് ചിത്രകാരനും കലാ സംവിധായകനുമായ ബിനീഷ് നാരായണന്‍ ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്ത സമ്മേളനത്തില്‍ പറഞ്ഞു.’വരയിടം ‘ എന്നു പേരിട്ടിരിക്കുന്ന ഈ പ്രദര്‍ശനശാലയിലെ ചുമരുകളില്‍ സ്‌കൂളിലെ വിദ്യാര്‍ത്ഥികള്‍ വരച്ച അഞ്ഞൂറോളം ചിത്രങ്ങള്‍ സ്ഥാപിച്ചു . കുട്ടികളിലെ സര്‍ഗാത്മകതയ്ക്ക് വിദ്യാലയാന്തരീക്ഷത്തില്‍ പ്രാധാന്യത്തോടെ ഒരിടം നല്‍കുകയെന്ന ലക്ഷ്യത്തോടെയാണ്ആര്‍ട്ട് ഗ്യാലറി സ്ഥാപിച്ചിരിക്കുന്നത്. സ്‌കൂളിലെ ചിത്രകലാധ്യാപകന്‍ ബിനു പുല്‍പ്പള്ളിയുടെ നേതൃത്വത്തിലാണ് പ്രദര്‍ശനച്ചുമരുകള്‍ ഒരുക്കിയിരിക്കുന്നത്. മാനേജ്‌മെന്റും, […]

ലോക്‌സഭാ തെരഞ്ഞെടുപ്പിനോടനുബന്ധിച്ച് കളക്ടറേറ്റിലെ ജില്ലാ ഐ.ടി. വിഭാഗം തയ്യാറാക്കിയ ഡിസ്ട്രിക്ട് ഇലക്ഷന്‍ മാനേജ്‌മെന്റ് പ്ലാന്‍ (ഡി.ഇ.എം.പി) ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ ഡോ.രേണുരാജ് പ്രകാശനം ചെയ്തു. ജില്ലയിലെ തെരഞ്ഞെടുപ്പ് ഷെഡ്യൂള്‍, ചരിത്രം, ഭൂപ്രകൃതി, പൊതുവിവരങ്ങള്‍, പോളിങ് സ്റ്റേഷനുകള്‍, ജില്ലാ ഭരണകൂടം, തെരഞ്ഞെടുപ്പു വിഭാഗം, റവന്യൂ, തെരഞ്ഞെടുപ്പ് നോഡല്‍ ഓഫീസര്‍മാര്‍, പൊലീസ് ഉദ്യോഗസ്ഥരുടെ ഫോണ്‍ നമ്പരുകള്‍, തദ്ദേശ സ്ഥാപനങ്ങളുമായി ബന്ധപ്പെട്ട വിവരങ്ങള്‍, വിവിധ സ്‌ക്വാഡുകളുമായി ബന്ധപ്പെട്ട വിവരങ്ങള്‍, സെക്ടറല്‍ ഓഫീസര്‍മാര്‍ തുടങ്ങി തെരഞ്ഞെടുപ്പുമായി ബന്ധപ്പെട്ട സമഗ്ര […]