Month: August 2022

കുണ്ടാലഃ മൻഹജ്‌ തസ്‌കിയത്തിൽ ഇസ്‌ലാമിയയുടെ നേതൃത്വത്തിൽ പൊതുപരീക്ഷകളിൽ ഉന്നത വിജയം നേടിയവരെയും സാഹിത്യോത്സവ് പ്രതിഭകളേയും അനുമോദിച്ചു.ചടങ്ങ് വയനാട് ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്‌ഘാടനം ചെയ്തു.ജനറൽ സെക്രട്ടറിസി.റഫീഖ് സഖാഫി അധ്യക്ഷത വഹിച്ചു.മമ്മൂട്ടി മദനി,അബ്ദുസമദ് സുഹ്‌രി,ഉസ്മാൻ പിലാക്കണ്ടി,അസീസ് മുസ്‌ലിയാർ.ടി,ഷഫീഖ് സഖാഫി തുടങ്ങിയവർ സംസാരിച്ചു.

പനവല്ലി: കർഷക ദിനത്തോടനുബന്ധിച്ചു രണ്ടു പത്തിട്ടാണ്ടിലേറേയായി ജൈവകൃഷി രംഗത്ത് പ്രവർത്തിക്കുന്ന തണൽ എന്ന പരിസ്ഥിതി സംഘടന പനവല്ലിയിൽ പ്രവർത്തിക്കുന്ന അഗ്രോ ഇക്കോളജി സെന്ററിൽ ചിങ്ങം ഒന്നിന് കമ്പളനാട്ടി ഉൽസവം നടത്തി. വയനാട്ടിലെ ആദിവാസികളുടെ പൈതൃകമായ കാർഷിക ഉത്സവമാണ് കമ്പള നാട്ടി. ഈ ഉൽസവത്തിൽ എല്ലാവരും പാട്ടും നൃത്തവുമായി കൂട്ടത്തോടെ ഞാറു നടീലിൽ പങ്കെടുക്കുന്നു. അതിന്റെ പ്രതീകമായാണ് തണൽ ഇക്കുറി കമ്പളനാട്ടി ഉത്സവം നടത്തിയത്. വലിയ ചെന്നെല്ല്, മുള്ളൻകഴമ, ഗന്ധകശാല തുടങ്ങിയ ഇടത്തരം മൂപ്പുള്ള വയനാടൻ നെല്ലിനങ്ങളാണ് നാട്ടിയത്. […]

കല്പറ്റ: ജില്ലാ കളക്ടറുടെ ചിത്രം ഡി.പി.യാക്കിയുള്ള വ്യാജ വാട്സാപ്പ് അക്കൗണ്ടിലൂടെ പണം തട്ടാൻ ശ്രമം. വയനാട് ജില്ലാ കളക്ടർ എ. ഗീതയുടെ പേരിൽ വ്യാജ വാട്സാപ്പ് അക്കൗണ്ട് നിർമിച്ചാണ് പണം തട്ടാനുള്ള ശ്രമം നടക്കുന്നത്. ജില്ലാ കളക്ടർ തന്നെയാണ് ഇക്കാര്യം ഫെയ്സ്ബുക്ക് പേജിലൂടെ പങ്കുവെച്ചത്. സംഭവത്തിൽ സൈബർപോലീസിന് പരാതി നൽകിയിട്ടുണ്ടെന്നും ആരും ഇത്തരം തട്ടിപ്പുകളിൽ വീഴരുതെന്നും കളക്ടർ ഫെയ്സ്ബുക്കിൽ കുറിച്ചു. ഇത്തരം തട്ടിപ്പിന് ഇരയായാൽ ഉടൻ സൈബർ പോലീസിൽ പരാതി നൽകണമെന്നും നിയമനടപടികളിലൂടെ മാത്രമേ ഇത്തരം ദുഷ്പ്രവണതയ്ക്ക് […]

പുൽപ്പള്ളി : പുൽപ്പള്ളിയിലെ ഏറ്റവും നല്ല കർഷകനെ ഇസാഫ് ബാങ്ക് നേതൃത്വത്തിൽ ആദരിച്ചു. പുൽപ്പള്ളി മരക്കടവ് സ്വദേശി പ്രിൻസ് ജോർജ് തൊമ്മിപറമ്പിലിനെയാണ് ബാങ്ക് പ്രതിനിധികൾ നേരിട്ട് ചെന്ന് പൊന്നാട അണിയിച്ച് ആദരിച്ചത്. കൃഷിയിൽ എന്നും പുതു പരീക്ഷണങ്ങൾ നടത്തി, ഏക്കറ് കണക്കിന് കൃഷി ഭൂമിയിൽ നിന്ന് നൂറു മേനി കൊയ്തെടുക്കുന്നതിനാണീ പുരസ്‌കാരം കൃഷി ദിനത്തിൽ നൽകിയത്. പുൽപ്പള്ളി ഇസാഫ് ബാങ്ക് മാനേജർ ദീപ്തി ബിനോജ് പ്രിൻസ് ജോർജ്ന് ഉപഹാരം നൽകി.ബാങ്ക് ജീവനക്കാരായ ജോയൽ, വിഷ്ണു എന്നിവരും പങ്കെടുത്തു.