താദമ്പതികളായ ശ്രീകുമാറിന്റെയും സ്‌നേഹയുടെയും വിശേഷങ്ങള്‍ സോഷ്യല്‍ മീഡിയയില്‍ ശ്രദ്ധ നേടാറുണ്ട്. യൂട്യൂബ് ചാനലിലും ഇരുവരും ഒന്നിച്ചെത്തി വിശേഷങ്ങള്‍ പങ്കുവയ്ക്കാറുണ്ട്. ക്വസ്റ്റന്‍-ആന്‍സര്‍ സെക്ഷനില്‍ സ്‌നേഹ പറഞ്ഞ ഒരു മറുപടിയാണ് ഇപ്പോള്‍ ചര്‍ച്ചയാകുന്നത്.ജീവിതത്തില്‍ എപ്പോഴെങ്കിലും തടി കുറയ്ക്കണം എന്ന് തോന്നിയിട്ടില്ലേ, ശ്രമിച്ചിട്ടുണ്ടോ എന്ന ചോദ്യത്തിനാണ് സ്‌നേഹ മറുപടി നല്‍കിയത്. ഇതൊരു വല്ലാത്ത ചോദ്യമായി പോയി. ജീവതത്തില്‍ തനിക്ക് വണ്ണം കുറയ്ക്കണം എന്ന് തോന്നിയിട്ടില്ല എന്നാണ് സ്‌നേഹ പറയുന്നത്.”എന്റെ ഈ ഒരു ശരീരം എനിക്ക് ബാധ്യത ആയിട്ടൊന്നും തോന്നീട്ടില്ല. കാരണം ഞാന്‍ ചെറുപ്പം മുതല്‍ തന്നെ തടിച്ച ഒരു പ്രകൃതം ആണ്. ആ ശരീരം വച്ചിട്ടാണ് ഡാന്‍സ് ചെയ്തതും, കഥകളി ചെയ്തതും, ഓട്ടന്‍തുള്ളല്‍ ചെയ്തതും എല്ലാം.””എന്റെ ശരീരം ഫ്‌ളെക്‌സിബിള്‍ ആണ്. ഇനിയിപ്പോ അല്‍പ്പം കുറഞ്ഞാല്‍ തന്നെ ചിലര്‍ പറയും പഴയതായിരുന്നു നല്ലത് എന്ന്. എന്തിനാ ഇപ്പൊ അതിന് നിക്കുന്നത്. എനിക്ക് ഇഷ്ടം ഉള്ളതൊക്കെ ഞാന്‍ കഴിക്കും” എന്നാണ് സ്‌നേഹയുടെ വാക്കുകള്‍.
