രാജ്യത്ത് കോവിഡ് ബാധിതര്‍ 66 ലക്ഷം കടന്നു. 24 മണിക്കൂറിനിടെ 74,442 പേര്‍ക്ക് രോഗബാധ കണ്ടെത്തി. ഈ സമയത്ത് 903 പേര്‍ വൈറസ് ബാധയെ തുടര്‍ന്ന് മരിച്ചതായും കേന്ദ്ര ആരോഗ്യമന്ത്രാലയം കണക്കുകള്‍ വ്യക്തമാക്കുന്നു.
പുതിയ കേസുകള്‍ റിപ്പോര്‍ട്ട് ചെയ്തതോടെ, മൊത്തം കോവിഡ് ബാധിതരുടെ എണ്ണം 66,23,816 ആയി ഉയര്‍ന്നു. ഇതില്‍ 9,34,427 പേര്‍ ചികിത്സയിലാണ്. 55,86,704 പേര്‍ രോഗമുക്തി നേടി. മരണസംഖ്യ 1,02,685 ആയി ഉയര്‍ന്നതായും സര്‍ക്കാര്‍ കണക്കുകള്‍ വ്യക്തമാക്കുന്നു.
ലോകത്ത് യു എസ് കഴിഞ്ഞാല്‍ ഏറ്റവും അധികം കോവിഡ് കേസുകള്‍ സ്ഥിരീകരിച്ചത് ഇന്ത്യയിലാണ്. യുഎസില്‍ 7,636,912 പേര്‍ക്കാണ് ഇതുവരെ കോവിഡ് സ്ഥിരീകരിച്ചത്.
