കല്‍പ്പറ്റ:ജല ജീവന്‍ മിഷന്റെ ഭാഗമായി 1050 ഗാര്‍ഹിക കുടിവെള്ള കണക്ഷനുകള്‍ നല്‍കുന്ന പ്രവൃത്തികള്‍ക്ക് ജില്ലാ ജല ശുചിത്വ മിഷന്‍ അംഗീകാരം നല്‍കി. അമ്പലവയല്‍, മീനങ്ങാടി, തിരുനെല്ലി പഞ്ചായത്തുകളിലെ പ്രവൃത്തികള്‍ക്കാണ് അംഗീകാരം ലഭിച്ചത്. 2.06 കോടി രൂപയാണ് പദ്ധതി ചെലവ്. നേരത്തെ ഒമ്പത് പഞ്ചായത്തുകളിലായി 4120 ഗാര്‍ഹിക കുടിവെളള കണക്ഷനുകള്‍ നല്‍കുന്നതിനുളള കേരള വാട്ടര്‍ അതോറിറ്റിയുടെ കര്‍മ്മപദ്ധതിക്കും ജില്ല ജലശുചിത്വ മിഷന്‍ അംഗീകാരം നല്‍കിയിരുന്നു.
