മാനന്തവാടി:കോവിഡ് 19 പ്രതിരോധത്തിന്റെ ഭാഗമായി വയനാട്ടിലെ വിവിധ പ്രദേശങ്ങള്‍ കണ്ടെയ്ന്‍മെന്റ് സോണായി ജില്ലാ ഭരണകൂടം അടിയന്തിര പ്രാധാന്യത്തോടെ പ്രഖ്യാപിച്ച സാഹചര്യത്തില്‍ ഉണ്ടാകാന്‍ സാധ്യതയുള്ള ഭക്ഷ്യക്ഷാമം പരിഹരിക്കാനായി കണ്‍സ്യൂമര്‍ഫെഡിന്റെ സഞ്ചരിക്കുന്ന ത്രിവേണികള്‍ ജില്ലയിലേക്കെത്തുന്നു.പൊതു വിപണിയെക്കാള്‍ ഏറെ വിലക്കുറവില്‍ ഗുണനിലവാരമുള്ള സാധനങ്ങള്‍ കോവിഡ് കാലത്ത് വീട്ടുപടിക്കലേക്കെത്തിച്ച് പ്രതിസന്ധി മറികടക്കുന്നതിനാണ് കണ്‍സ്യൂമര്‍ഫെഡിന്റെ ശ്രമം.
