Month: June 2024

പുല്‍പ്പള്ളി: സുല്‍ത്താന്‍ ബത്തേരി എക്‌സൈസ് റെയിഞ്ച് ഉദ്യോഗസ്ഥര്‍ പുല്‍പ്പള്ളി ടൗണ്‍ ഭാഗത്ത് നടത്തിയ പരിശോധനയില്‍ ഓട്ടോറിക്ഷയില്‍ കടത്തുകയായിരുന്ന 15 ലിറ്റര്‍ മദ്യം പിടികൂടി. സംഭവമായി ബന്ധപ്പെട്ട് ഇരുളം കേളമംഗലം സ്വദേശി മാപ്പാനിക്കാട്ട് വീട്ടില്‍ ഷിബു(49) നെ അറസ്റ്റ് ചെയ്തു. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ സജിമോന്‍.പി.റ്റി യുടെ നേതൃത്വത്തില്‍ നടന്ന പരിശോധനയില്‍ പ്രിവന്റീവ് ഓഫീസര്‍ മനോജ് കുമാര്‍. പി.കെ, വിനോദ് പി.ആര്‍, സിവില്‍ എക്‌സൈസ് ഓഫീസര്‍ അമല്‍ തോമസ് എം.ടി,വിഷ്ണു കെ.കെ എന്നിവരും ഉണ്ടായിരുന്നു.

പനമരം: എരനെല്ലൂരിൽ കിണർ കുഴിക്കുന്നതിനിടെ മൂന്ന് പേർ കിണറ്റിൽ അകപ്പെട്ടു. ഒരാൾ മരിച്ചു. 2 പേരെ രക്ഷ പ്പെടുത്തി. കോഴിക്കോട് രാമനാട്ടുകര ആരക്കോട് സ്വദേശി മുഹമ്മദാണ് മരിച്ചത്. അമിത് കിദു, അബിൻ ബുർഹ എന്നിവരാണ് രക്ഷപ്പെട്ടത്. ബംഗാൾ സ്വദേശികളാണ്. കിണർ നിർമ്മിക്കുന്നതിനിടെ പടവുകൾ ഇടിഞ്ഞാണ് അപകടം.

മലപ്പുറം: വയനാട്, റായ്ബറേലി ലോക്സഭ മണ്ഡലങ്ങളിൽ ഏത് നിലനിർത്തുമെന്ന സസ്പെൻസ് വിടാതെ കോൺഗ്രസ് നേതാവ് രാഹുൽ ഗാന്ധി. എടവണ്ണയിൽ ഇന്ന് നടന്ന യോഗത്തിലും ഏത് മണ്ഡലം നിലനിർത്തുമെന്ന് രാഹുൽ ഗാന്ധി പ്രഖ്യാപിച്ചില്ല. രണ്ട് മണ്ഡലങ്ങളിലും വലിയ ഭൂരിപക്ഷത്തിൽ രാഹുൽ ജയിച്ചിരുന്നു. താൻ ധർമ്മ സങ്കടത്തിലാണ് ഇപ്പോഴുള്ളതെന്നും രണ്ട് മണ്ഡലങ്ങളിലേയും ജനങ്ങൾക്ക് സന്തോഷമുണ്ടാകുന്ന തീരുമാനമെടുക്കുമെന്നും രാഹുൽ ഗാന്ധി പറഞ്ഞു. വീണ്ടും കാണാമമെന്ന് പ്രതീക്ഷിക്കുന്നു. ഭരണഘടന സംരക്ഷിക്കുന്നതിനുള്ള പോരാട്ടമാണ് ഈ തെരഞ്ഞെടുപ്പിൽ നടന്നത്. അന്വേഷണ ഏജൻസികളും രാഷ്ട്രീയാധികാരവും കൂടെ ഉണ്ടെങ്കിൽ […]

മാനന്തവാടി : നഗരസഭ വിവിധ പദ്ധതികളുടെ ഭാഗമായി ഭിന്നശേഷിക്കാർക്കുള്ള മുച്ചക്ര സ്കൂട്ടർ വിതരണം നടത്തി. നഗരസഭ ചെയർപഴ്സൺ സി.കെ രത്നവല്ലി താക്കോൽ ദാനം നടത്തി. ക്ഷേമകാര്യ സ്ഥിരം സമിതി ചെയർമാൻ വിപിൻ വേണുഗോപാൽ അധ്യക്ഷത വഹിച്ചു. വൈസ് ചെയർമാൻ ജേക്കബ് സെ ബാസ്റ്റ്യൻ, സ്ഥിരം സമിതി അധ്യക്ഷരായ പി.വി.എസ് മൂസ, അഡ്വ: സിന്ധു സെബാസ്റ്റ്യൻ, കൗൺസിലർമാരായ പി.വി ജോർജ്, വി.ഡി. അരുൺകുമാർ, ഐ.സി.ഡി.എസ്.സൂപ്പർവൈസർ അപ്സര ജോസ് തുടങ്ങിയവർ സംസാരിച്ചു.

കൽപറ്റ: ജാമ്യവ്യവസ്ഥ ലംഘിച്ചു വീണ്ടും കുറ്റകൃത്യങ്ങളിൽ ഏർപ്പെടുന്നവരെ പൂട്ടാനൊരുങ്ങി വയനാട് പൊലീസ്. ജാമ്യം നേടി പുറത്തിറങ്ങി നിരന്തര കുറ്റകൃത്യങ്ങൾ ചെയ്യുന്നവരുടെ ജാമ്യം റദ്ദ് ചെയ്യുന്നതിനുള്ള റിപ്പോർട്ടുകൾ കോടതിയിൽ സമർപ്പിച്ചു. ബത്തേരി സ്റ്റേഷൻ പരിധിയിൽ വിവിധ ക്രിമിനൽ കേസുകളിൽപെട്ട ദൊട്ടപ്പൻകുളം പുൽപറക്കൽ വീട്ടിൽ പി യു ജോസഫ് (51) എന്ന സീസിങ് ജോസിന്റെയും, മലപ്പുറം മുണ്ടക്കര വീട്ടിൽ സുധക്കത്തുള്ള എന്ന ഷൌക്കത്ത് (44)ന്റെയും ജാമ്യം റദ്ദ് ചെയ്തുകൊണ്ടുള്ള ഉത്തരവിറങ്ങി. ജോസഫ് നിലവിൽ ഒറീസയിലെ കൊട്ടിയയിൽ ജയിൽ വാസം അനുഭവിച്ചു […]