Month: July 2020

വെള്ളമുണ്ട: പോളിയോ രോഗം ഇരു കാലുകളും തളർത്തികൊണ്ട് മൂന്നാം വയസ്സിൽ വിധി തന്റെ ജീവിതത്തിൽ ലോക്ക് ഡൗൺ പ്രഖ്യാപിച്ചിട്ടും കീഴടങ്ങാതെ അതിജീവനത്തിന്റെ സന്ദേശം നൽകിയ മാതൃകാ കർഷകയാണ് കുംഭമ്മ.പിന്നീട്‌ കാൻസർ വന്ന് മാറിടം എടുത്തു കളഞ്ഞിട്ടും ജീവിതത്തിന്റെ റെഡ് സോണിനെയും മറികടന്നു.ഏറ്റവും നല്ല കർഷകക്കുള്ള രാജ്യത്തെ മികച്ച പുരസ്കാരങ്ങൾ ലഭിച്ച കുംഭാമ്മ കോവിഡ് കാലത്തും തന്റെ ബാണാസുരൻ മലയുടെ താഴ് വാരത്തെ കൃഷിയിടത്തിൽ സജീവമാണ്.

കൽപ്പറ്റഃ നേരം വെളുക്കുന്നത് മുതൽ അർദ്ധരാത്രിവരെ 9446891227 എന്ന നമ്പർ മഹാമാരിയുടെ ദുരിതമനുഭവിക്കുന്ന പാവങ്ങൾക്ക് വേണ്ടി എൻഗേജ് ആണ്‌. കൽപ്പറ്റ എം.എൽ.എ. സി.കെ.ശശീന്ദ്രന്റെ ഫോണിന് വിശ്രമമേയില്ല.ഒരു മിസ്ഡ് കോൾ കണ്ടാൽ പോലും തിരിച്ചു വിളിക്കും. കോവിഡ് കാലത്തുംനഗ്നപാദനായി ജനങ്ങളുടെ പ്രയാസങ്ങൾ പരിഹരിക്കുന്ന തിരക്കിലാണ്. കഷ്ടപ്പെടുന്നവന്റെയും വിയർപ്പൊഴുക്കുന്നവന്റെയും വേദനയറിയുന്ന വയനാടൻ എ.കെ.ജി. പൊതു പ്രവർത്തകർക്കാകെ മാതൃകയാണ്.

മീനങ്ങാടി:കോൺഗ്രസ് എസ് ജില്ലാ കമ്മിറ്റി എറണാകുളം ഡിവൈൻ കമ്പനിയുമായി സഹകരിച്ച് മീനങ്ങാടി പഞ്ചായത്തിലെ മണങ്ങുവയൽ കോളനിയിലെ വിദ്യാർത്ഥികൾക്ക് ടിവി നൽകി. ജില്ലാ പ്രസിഡന്റ് കെ.പി.ശശികുമാർ, സംസ്ഥാന സെക്രട്ടറി പി.കെ.ബാബു എന്നിവർ സംബന്ധിച്ചു.

മക്കിയാട്: പാലത്തായി കേസ് അട്ടിമറിക്കാൻ ശ്രമിച്ച നിലവിലെ അന്വേഷണ ഉദ്യോഗസ്ഥനെ മാറ്റിനിർത്തി നീതിയുക്ത നിയമ നടപടി കൈകൊള്ളണമെന്ന് വയനാട് മക്കിയാട് സ്വദേശിനിയും കർണാടക ഹൈക്കോടതിയിലെഅഡ്വക്കേറ്റുമായ ഫൈമി അമർ ആവശ്യപ്പെട്ടു. തന്റെ ഫേസ്ബുക്കിൽ ആരോഗ്യ മന്ത്രിക്ക് എഴുതിയ തുറന്ന കത്തിലൂടെയാണ് വൈകാരികമായ വരികളിലൂടെ ഇരയുടെ നീതി ഉറപ്പാക്കണമെന്നു ഫൈമി ആവശ്യപ്പെട്ടത്.