വടകര : ലോകത്തൊരിടത്തും നടക്കാത്ത തരം മാതൃകാ പ്രവർത്തനങ്ങളാണ് കോവിഡ് പ്രതിരോധത്തിന് കേരളം സ്വീകരിച്ചു വരുന്നതെന്ന് സി.കെ. നാണു എം.എൽ.എ. പറഞ്ഞു. എന്നിട്ടും സമ്പർക്ക രോഗികളുടെ എണ്ണം വർദ്ധിച്ചു വരുന്നത് ഗൗരവമായി കാണണം. ആത്മവിശ്വാസം കൈവിടാതെ തുടർന്നും ജാഗ്രതയോടെ മുന്നേറാൻ നമുക്ക് സാധിക്കണം. ഈ മഹാമാരിയുടെ പ്രതിരോധത്തിന് സർക്കാരിനെ സഹായിക്കൽ ഓരോ വ്യക്തിയും സന്നദ്ധമാവണമെന്നും അദ്ദേഹം പറഞ്ഞു.
